72884488 Сайт руу буцах

Sheepskin Care Manual

Цэвэрлэгээний заавар

Нэхий бүтээгдэхүүнээ зөв арчилснаар олон жил өнгө төрхөө хадгалж, тухтай хэрэглээтэй байдаг.

Хуурай хими цэвэрлэгээний зураг

Хуурай хими цэвэрлэгээ

Нэхий бүтээгдэхүүн зөв арчилбал маш удаан эдэлгээтэй, эко бүтээгдэхүүн билээ. Амьтны гаралтай үслэг бүтээгдэхүүний үндсэн цэвэрлэгээ бол хуурай хими цэвэрлэгээ юм. Та нэхий бүтээгдэхүүнээ хуурай хими цэвэрлэгээнд өгөхдөө тухайн газраас нэхий цэвэрлэх эсэх, өмнө нь цэвэрлэж байсан эсэх талаар асууж лавлаарай. Цэвэрлэгээний үнийн хувьд хими цэвэрлэгээ бүр өөр өөр үнэ ханштай байдаг. Бид одоогоор Goodcleaning хуурай хими цэвэрлэгээний газартай хамтран ажиллаж байна. Тус газар нь манай бүтээгдэхүүнийг 20% хөнгөлөлттэй үнээр цэвэрлэдэг.

  • FB: Goodcleaning/Гүүдклининг хими цэвэрлэгээ
  • Утас: 7535 2222
  • Хаяг: БГД,11 хороо, Ардын хоршоо-2 худалдааны төв /МҮИС-ийн хажуу талын хаалга/
Нохой муурны нарийн шүдтэй самны зураг

Гэрийн нөхцөлд цэвэрлэх арга

Хонины нэхий нь хивс, ширдэг шиг нарийн шороогоо доош шүүдэггүй. Дээр нь тогтсон тоос шороо тухайн гадаргуу дээрээ тогтдог. Тиймээс түүнийг гөвөх, тоос соруулах зэргээр байнга бохирдлыг цэвэрлэж байх хэрэгтэй.

  1. Эхлээд дээр нь суусан тоос, бохирдлыг цэвэрлэ. Гадаа гаргаж зөөлөн сэгсэр. Эсвэл хүч багатай тоос сорогч ашигла (brush толгойтой байвал сайн).
  2. Толбо цэвэрлэх. Бага зэрэг бүлээн ус + зөөлөн саван (baby shampoo, эсвэл нохой муурны ангижруулагчтай shampoo ашиглана). Алчуурт шингээгээд зөвхөн бохир хэсгийг зөөлөн дарж арчина. Дараа нь хуурай алчуураар чийгийг авна.
  3. Самнах. Нохой муурны нарийн төмөр шүдтэй самаар үсний ширхэг дагуу зөөлөн самнаж үсний налалт, ширэлдээг арилгадаг. Самнахдаа бага зэрэг чийглэвэл илүү үр дүнтэй.

Гүн цэвэрлэгээ

Жижиг хэмжээтэй нэхий олбогийг гар угаалга хийж болно. Гэхдээ анхаарах хэд хэдэн зүйл бий.

  • 30 градусаас доош бүлээн усанд угаана.
  • Зөөлөн шампунь, ангижруулагч ашиглана.
  • Мушгиж болохгүй.
  • Хуурай алчуурт ороож чийгийг шингээнэ.
  • Хатаахдаа сүүдэр газар хатаана.
  • Бага зэрэг чийгтэй байхад нь үсийг самнаж ширэлдээг гаргана.
  • Хатсаны дараа хөрсөн хэсэг бага зэрэг дарайж хатуурдаг. Түүнийг гар аргаар нухалж зөөллөнө.

Анхаарах зүйлс

  • Машинд угаах - хориглоно
  • Халуун ус - хориглоно
  • Химийн хүчтэй бодис - хориглоно
  • Индүүдэх - хориглоно